काठमाडौँ । राष्ट्रिय स्वतन्त्र पार्टी (रास्वपा) को दबाब यात्रा अरुङ्गखोला पुगेको छ । पूर्वपश्चिम राजमार्गअन्तर्गत नारायणगढ–बुटवल सडकखण्डको स्तरोन्नतिमा भइरहेको विलम्ब र यात्राका क्रममा नागरिकले खेप्नुपरेको सास्तीबारे सरकारको ध्यानाकर्षण गराउन रास्वपा ११३ किलो मिटरको पैदल यात्रा गरेको हाे ।
सोमबार नारायणगढबाट सुरु भएको यात्राले ५० किलोमिटर पार गरेको छ ।यात्रा बुधबार सम्पन्न हुने छ ।
११३ किलोमिटर दूरी पार गर्ने गरी सुरु भएको सो दबाब अभियानको उद्देश्य पूर्वपश्चिम राजमार्गअन्तर्गत नारायणगढ–बुटवल सडकखण्डको स्तरोन्नतिमा भइरहेको विलम्ब र यात्राका क्रममा नागरिकले खेप्नुपरेको सास्तीबारे सरकारको ध्यानाकर्षण गराउन यात्रा गरेको सभापति रवि लामिछानेले जानकारी दिनुभयो ।
यात्राका क्रममा रास्वपाका नेता र सांसदहरू समेत सहभागी भएका छन् ।
