एजेन्सी । प्रभासको फिल्म ‘सालार’ले तेस्रो दिन ग्लोबल बक्स अफिसमा ४०० करोडको आँकडा पार गरेको छ । दुई दिनमै करिब ३ सय करोड (२९५.७) बक्स अफिस कलेक्सन गरेको यो फिल्मले आइतबार पनि उत्कृष्ट व्यापार गरेको व्यापार विज्ञहरू बताउँछन् ।
सालारको विश्वव्यापी कमाई दिनमा
पहिलो दिन (शुक्रबार) – १७८.७ करोड
दोस्रो दिन (शनिबार) – ११७ करोड
तेस्रो दिन (आइतबार) – १०४.३ करोड
जम्मा कमाई – ४०० करोड
फिल्मले तेस्रो दिन भारतीय बक्स अफिसमा ६१ करोड कमाएको इन्डस्ट्री ट्र्याकर सक्निल्कले जनाएको छ । योसँगै यसको कुल आन्तरिक संकलन २०८ करोड रुपैयाँ पुगेको छ । आइतबार फिल्मको हिन्दी संस्करणको अकुपेन्सी ४८.२७ प्रतिशत थियो । उत्तर अमेरिकामा, सालारले अहिलेसम्म ५.१ मिलियन डलर कमाएको छ ।
अर्कोतर्फ शाहरुख खानको फिल्म ‘डंकी’ले चौथो दिन भारतभर ३१ करोड ५० लाखको व्यापार गरेको छ । यससँगै भारतमा कुल १०६ करोड ४३ लाख रुपैयाँ आम्दानी भएको छ ।
प्रशान्त नील निर्देशित फिल्म सालारमा प्रभाससँगै पृथ्वीराज सुकुमारन, श्रुति हसन र टिनु आनन्द पनि महत्वपूर्ण भूमिकामा छन् ।
