काठमाडौँ । नेकपा (एमाले) का नेता भीम रावलले संस्कृतिमन्त्री सुदन किरातीलाई किरातहरुले मान्ने ‘मुन्धुम’ देशद्रोह हो भनी प्रश्न गर्नुभएको छ ।
सामाजिक सञ्जाल एक्समार्फत नेता रावलले मन्त्री किरातीका पुर्खा क्रिश्चियन थिए ? वा थिएनन् भने ती देशद्रोही थिए ? भनी नेपाली जनताले प्रश्न गर्नुपर्ने बताउनुभएको छ ।
बुधबार उपत्यकाव्यापी संयुक्त बृहत् ख्रीष्टमस महोत्सव २०८० लाई सम्बोधन गर्दै मन्त्री किरातीले भन्नुभएको थियो, “राज्यका आँखामा सबै धर्म बराबरी हुन् । आज तीन करोड नेपालीमा लाखौँ क्रिस्चियनहरु भइसकेका छन् । क्रिस्चियनलाई मान्दिन भन्नु संविधानलाई मान्दिनँ भन्नु हो, संविधान मान्दिनँ भन्ने देशद्रोही हुन् । यदि कसैले देशद्रोह गर्छ भने त्यसलाई हतकडी लगाउने जेलमा हालिदिने हो ।”
मन्त्री किरातीको उक्त अभिव्यक्तिको सर्वत्र आलोचना भएको छ ।
