काठमाडौँ । नेकपा एमालेले सचिवालय बैठक बोलाउने तयारी गरेको छ । ‘झुलाघाट–चिवाभञ्ज्याङ सङ्कल्प यात्रा’को समीक्षा गर्न एमालेले एक दुई दिनभित्रै सचिवालय बैठक बस्ने तयारी गरेको प्रचार विभाग प्रमुख राजेन्द्र गौतमले बताए ।
एमालेले मङ्सिर १४ गते बैतडीको झुलाघाटबाट सुरु गरेको मध्यपहाडी लोकमार्ग अन्तर्गतका २६ जिल्लाको यात्रा गर्दै पुस १ मा पाँचथरको चिवा भञ्ज्याङमा पुगेर समापन गरेको थियो ।
एमाले नेतृत्वले यात्राका क्रममा मध्यपहाडका जनताका समस्या, गुनासा र सम्भावनाबारे अध्ययन गरेको बताएका छन् । सोही अध्ययन र रिपोर्ट सार्वजनिक गरिने बारे बैठक बोलाउन लागिएको बताईएको छ ।
