काठमाडौँ । प्रधानमन्त्री पुष्पकमल दाहाल ‘प्रचण्ड’ले संसदको हिउँदे अधिवेशन आह्वानका लागि संसदमा रहेका दलहरुसँग छलफल गर्न लाग्नुभएको छ ।
संसदको हिँउदे अधिवेशन आह्वानका लागि प्रधानमन्त्री दाहालले छिट्टै प्रमुख प्रतिपक्षी दलसहित संसदका रहेका सबै दलसँग परामर्श गर्नुहुने प्रधानमन्त्रीका प्रेस सल्लाहकार गोविन्द आचार्यले जानकारी दिए । प्रमुख प्रतिपक्षी दलको अभियान सकिएकाले अब प्रधानमन्त्रीले सबै दलहरुसँग छलफल गरी अधिवेशनको लागि बोलाउने तयारी भईरहेको उनले बताए ।
प्रधानमन्त्री प्रचण्डले यसअघि पनि संसद्को हिउँदे अधिवेशन जतिसक्दो चाँडो बोलाएर महत्त्वपूर्ण विधेयकहरु अघि बढाउनुपर्ने धारणा राख्दै आउनुभएको छ । यसबारे प्रधानमन्त्रीले सभामुखका साथै सत्तारुढ तीन दलका शीर्ष नेताहरुसँग छलफल गरिसक्नुभएको छ ।
