काठमाडौँ । नेपाली काँग्रेसका सभापति एवं पूर्वप्रधानमन्त्री शेरबहादुर देउवाले नेपाली काँग्रेसलाई जनतामा पुर्याउनमा नेपाल पुकारको उल्लेख्य महत्व रहेको बताउनुभएको छ ।
आईतवार नेपाली काँग्रेसको मुखपत्र नेपाल पुकारको लोकार्पण समारोहलाई सम्बोधन गर्दै उहाँले यस्तो बताउनुभएको हो । पार्टी केन्द्रिय कार्यालय सानेपामा आयोजित कार्यक्रममा उहाँले नेपाली काँग्रेसलाई लोकप्रिय बनाउन विगतमा पनि नेपाल पुकारको भुमिका उल्लेख्य रहेको बताउनु भयो । उहाँलेनेपाल पुकारले काँग्रेसले गरेका काम कारबाहीहरु नागरिकमा लैजान महत्वपूर्ण भुमिका खेल्ने बताउनु भयो ।
उहाँले भन्नुभयो, ‘नेपाली काँग्रेसलाई अभm बढी लोकप्रिय बनाउनुमा, नेपाली काँग्रेसलाई अझ बढी जनतामा पुर्याउनमा नेपाल पुकारको महत्व धेरै नै छ । सबैले नेपाली काँग्रेसको इतिहास थाहा पाउनका लागि नेपाल पुकारले महत्वपूर्ण भुमिका खेल्छ । मलाई विश्वास छ, नेपाली काँग्रेसका सबैले यो पत्रिका पढ्नेछन् । आफ्नो धारणा पनि बनाउनेछन् । नेपाली काँग्रेसले गरेका कामहरुलाई यसले जनतामाझ अझ बढी लोकप्रिय बनाउनेछ ।’
१३२ पृष्ठको रहेको उक्त विशेषाङ्क बीपी साहित्व महोत्सव विशेष रहेको छ । २००४ मा काँग्रेस स्थापना हुनुभन्दा पहिलेदेखि छापिँदै आएको ‘नेपाल पुकार’ विसं २०५४ देखि बन्द भएको थियो ।
