एजेन्सी । रणवीर कपुरको फिल्म ‘एनिमल’ ले डिसेम्बरको पहिलो हप्तामा सिनेमाघरदेखि बक्सअफिसमा ठूलो हलचल मचाएको छ । फ्यानमा ‘एनिमल’ को बारेमा निकै क्रेज रहेको छ ।
‘एनिमल’ रिलिज भएको एक साता बितिसक्दा पनि चर्चा कम हुन नसकेको अवस्था छ ।
यसैबीच, यो चलचित्रले आठौं दिनको बक्स अफिस कलेक्शनको पछिल्लो तथ्यांक सार्वजनिक गरेको छ । रणवीर कपूर र रश्मिका मन्दाना स्टारर फिल्म ‘एनिमल’ १ डिसेम्बरबाट हलमा रिलिज भएको थियो ।
यो पूरै साता ‘एनिमल’ ले फ्यानलाई निकै मनोरञ्जन दिएको छ, जसका कारण निर्देशक सन्दीप रेड्डी वांगाको यो फिल्मले पनि निकै चर्चा कमाएको छ ।
प्रारम्भिक ट्रेड एनालिस्टका अनुसार शुक्रबार रणवीर कपूर स्टारर फिल्म ‘एनिमल’ ले सबै भाषामा २१.७४ करोड रुपैयाँभन्दा बढीको व्यापार गरिसकेको छ ।
बक्स अफिसमा ८ दिनमा ३५९.३२ करोडको कलेक्सन गरेको ‘एनिमल’ यो साताको अन्त्यमा ४०० करोड क्लबमा प्रवेश गर्ने अनुमान गरिएको छ ।
यति मात्र होइन, अब ‘एनिमल’ रणवीर कपूरको करियरको पहिलो सबैभन्दा धेरै कमाउने फिल्म बनेको छ र यसअघि रणवीरको फिल्म ‘सञ्जु’ ले बक्स अफिसमा ३ सय ४२ करोडको व्यापार गरेको थियो, जसलाई अहिले एनिमलले पछि पारेको छ ।
