एजेन्सी । भारतको उत्तरप्रदेशस्थित बुलन्दशहरमा बिजुली चोरीको घटना बाहिर आएको छ । तर, विद्युत चोरीविरुद्ध कारबाही गर्न गएको टोलीलाई उपभोक्ताले चकित पार्ने काम गरेका छन् ।
चोरीको जरिवाना तिराउन गएका अफिसरलाई एक परिवारका सदस्यले आफ्नै घरमा बाँधिएको कुकुरलाई छाडेका छन् । यति मात्र होइन, यस विषयमा जबरजस्ती करणीको मुद्दा पनि दर्ता भएको छ ।
विद्युत्कर्मीको टोलीमा उपभोक्ताले आफ्ना पाल्तु कुकुरलाई मात्रै छोडेनन्, कतिपय विद्युतकर्मीलाई कुटपिट पनि गरेका छन्, जसका कारण उनीहरु घाइते भएका छन् । झडपमा विद्युत विभागका जुनियर इन्जिनियर घाइते भएका छन् ।
पीडित विद्युत जेई ज्योति भास्कर मिश्रले प्रहरीलाई सहयोगको अपिल गर्दै मुद्दा दर्ता गरी कारबाही गर्न माग गरेका छन् । प्राप्त जानकारी अनुसार ३३र११ केभी सबस्टेसन वलीपुराको टोलीसँग यो घटना भएको हो ।
विद्युत विभागका कर्मचारीमाथि आक्रमण भएको ठाउँको नाम अम्बा कालोनी रहेको छ । घटनाबारे प्रहरीलाई जानकारी गराएपछि प्रहरीले यस विषयमा कानुनी कारबाही अघि बढाएको छ ।
बुलन्दशहरको यो घटनाको बारेमा थाहा पाउने बित्तिकै सबै स्तब्ध भएका थिए । यस्ता घटना दोहोरिन नदिन विद्युत् कर्मचारी र उनका सहकर्मीको सुरक्षाका लागि तत्काल कारबाही गरिनुपर्ने स्थानीय बताउँछन् । जेईलाई कुकुरले टोक्नुका साथै ती उपभोक्ताका छोरा र साथीले जेईलाई निर्मम कुटपिट गरेको पनि उपभोक्ताको आरोप छ ।
