काठमाडौं । राष्ट्रिय स्वतन्त्र पार्टी (रास्वपा) सभापति तथा संसदीय दलका नेता रवि लामिछानेले संसदीय समितिमा भौतिकरूपमा उपस्थिति हुन नसकेको अबस्थामा डजिटल सहभागीताको माग गर्नुभएको छ ।

कतार भ्रमणमा रहनु भएका लामिछानेले राज्य व्यवस्था तथा सुशासन समितिको बैठकमा भौतिकरूपमा उपस्थिति जनाउन नसके पनछ, मेरा केही प्रश्नहरू भिडियोमार्फत् राख्न दिनु भनी अनुमति मागें गरेको तर, नपाएपछि भिडियो सामाजिक सञ्जालमा पोष्ट गरेको जानकारी गराउनु भएको छ ।

उहाँले सामाजिक संञ्जाल मार्फत राख्नु भएको प्रश्न यस्तो रहेको छ ।

म अहिले कतारमा छु। नेपालमा भर्खरै राज्य व्यवस्था तथा सुशासन समितिको बैठक सुरु भएको छ। भौतिकरूपमा उपस्थिति जनाउन नसके पनि, मेरा केही प्रश्नहरू भिडियोमार्फत् राख्न दिनु भनी अनुमति मागें। तर, नपाएपछि सो भिडियो सामाजिक सञ्जालमा पोष्ट गर्दै छु।

आशा छ, सम्बन्धित निकायसम्म मेरा प्रश्न पुग्ने नै छन्। साथै, हामीले पहिलेदेखिनै संसदको क्यालेन्डर बनाइनु पर्छ भनेर भन्दै आइरहेका छौं । तर, बनेको छैन । जसका कारण कतिपय अवस्थामा यस्ता महत्वपूर्ण बैठकमा हामी सहभागी हुन असमर्थ हुन्छौं। त्यसैले संसदले यसतर्फ ध्यान दिन जरुरी छ।

हामीले जाजरकोट भूकम्पका प्रभावितलाई चिसोबाट जोगाइ पुनर्स्थापना र पुनर्निर्माणमा सरकारले तय गरेको नीति र योजनाबारे जानकारी गराउने व्यवस्थाका लागि समितिका सभापतिज्यूको ध्यानाकर्षण पनि गराउदै छौं।

https://www.facebook.com/newspolar/videos/1397381194534100