• १० असार २०८१, सोमबार
  •      Mon Jun 24 2024
  •   Unicode
Logo
Latest
★   देशलाई राम्रो प्रधानमन्त्री चाहिएको छ तर प्रधानमन्त्री राम्रो जादुगर बन्न लाग्नुभयो: रमेश लेखक ★   हनुमान चालिसा कहिले र कसले लेखे ? ★   काँग्रेस भित्रको फोहोर सफा गर्न आवश्यक छ: महामन्त्री थापा ★   अथाह प्रेमको बावजुद, यी गल्तीहरूले ब्रेकअप निम्त्याउन सक्छ ! ★   एकसिङ्गे गैँडाको खाग खरिद बिक्रीको अभियोगमा मुद्दा दायर ★   नेप्से परिसूचक सामान्य अङ्कले बढ्दा पाँच अर्बमाथिको कारोबार ★   नेपालगञ्जको बजेट रु एक अर्ब ५० करोड ३८ लाख ८६ हजार ★   छाउपडी लगायतका कुप्रथा अन्त्यका मन्त्रालयहरुबीचको समन्वयमा समिति बनाइने ★   तारकेश्वर नगरपालिका-३ स्थित जितपुर पाँचमानेमा अवस्थित धार्मिक एवं पर्यटकीय स्थल भुवनेश्वरी मन्दिर ★   जीतपुर सिमरा उपमहानगरपालिकाको नगरसभामा कुर्सी हानाहान

एमालेको यात्रा: पुरा होला त मिसन ०८४ को लक्ष्य ?



काठमाडौं । मंसीर १४ गते नेकपा (एमाले) का अध्यक्ष केपी शर्मा ओलीले बैतडीको झुलाघाटबाट राष्ट्रिय झन्डोत्तोलन गर्दै ‘झुलाघाट–चिवाभञ्ज्याङ समृद्धिका लागि सङ्कल्प यात्रा’ शुभारम्भ गर्नुभयो ।

नेपाल भारत सीमा क्षेत्र बैतडीको महाकाली नदीको डिल झुलाघाटमा एमाले अध्यक्ष ओलीले सूर्य–चन्द्र अङ्कित राष्ट्रिय झन्डा झन्डोत्तोलन गरेर संकल्प यात्राको शुभारम्भ गर्नुभयो । पार्टीका सारथीहरुलाई लिएर दैनिक करिब १०० किलोमिटरको हाराहारीको यात्रा ठाँउ ठाँउको सम्बोधन ,नागरिकको निरन्तर अन्तरक्रियाले ओलीका उत्साह थपिएको देखिन्छ ।

यात्रामा क्रममा ओलीले बिशेष गरेर सरकार र राजसंस्था आक्रामक अभिव्यक्ति दिनुका साथै स्थानीय समस्या, सम्भाबना र अबसरका बारेमा समेत चर्चा गरिरहनु भएको छ । सम्बोधनका क्रममा उहाँले चिन्ता नगर्नुस्, एमाले आउँछ, जनताका समस्या समाधान गर्छ, विकास निर्माणको काम गर्छ र देश बनाउँछ भन्ने आश्वसन दिनु भएको छ ।

उहाँले कुशासन, अविकास तथा अधोगति रोक्न र सुशासन, विकास तथा अग्रगति सुनिश्चित गर्न एमालेले मुलुकको बागडोर सम्हाल्नु पर्ने बताउनु भएको छ ।त्यसका लागि एमाले एक्लैले बहुमतको सरकार बनाउनु पर्छ भन्दै मिसन ०८४ मा उत्रिएको हो ।

यात्रामा रहनु भएका एमाले उपाध्यक्ष बिष्णु पौडेलले भन्नुभयो -एक्लै आउन् वा गठबन्धन गरेर आउन्, देश भित्रका मात्र आउन् वा बाहिरको आशीर्वाद लिएर आउन्, आगामी निर्वाचनमा सूर्य चिन्ह त आयो-आयो, एमाले त आयो-आयो ।

उहाँले भन्नुभयो “निर्वाचन चाहे २०८४ मा होस् वा त्यो भन्दा अगाडी, अब हुने निर्वाचनमा एमालेको पूर्ण बहुमतको सरकार रोक्ने तागत कसैसंग छैन । बाग्लुङको गलकोटबाट पाँचथरको चिवाभञ्ज्याङ सम्म पुग्दा यो निष्कर्ष नयाँ उचाईबाट पुनर्पुष्टी हुने निश्चित छ ।

उहाँले भन्नुभयो “असाधारण सक्रियता र विशाल जनसहभागिताका कारण देश विकासको जिम्मा एमालेले लिन्छ भन्ने कुरामा नागरिक आशाबादी भएको पाईयो ।”  उहाँले भन्नुभयो ‘स्थानीय जनतासँग त्यस क्षेत्रका समस्या सुन्ने र समाधान खोज्ने गरी अभियान अघि बढीरहेको छ । मध्यपहाडी क्षेत्रबाट भइरहेको बसाईंसराई, उत्पादन, रोजगारी, शिक्षा, स्वास्थ्य र अन्य पूर्वाधारका कामलाई गतिका साथ अघि बढाउने हिसावले एमालेले देशको विकासको अभियानलाई अघि बढाउने गरी अभियान सञ्चालन भैरहेको छ ।’

उहाँले भन्नुभयो,देशको सामाजिक विकासका निमित्त त्यसले योगदान दिन्छ भन्ने सोचको साथमा हामीले पुष्पलाल लोकमार्गको परिकल्पना गरेका हौँ । त्यसलाई योजनामा समावेश गरेका हौँ, त्यसमा बजेट विनियोजन गरेका हौँ । निर्माण कार्यलाई पनि हामीले नै गतिकासाथ अघि बढाएका हौँ । यसका केही कामहरु अझै बाँकी छ । हामी के चाहिरहेका छौँ भने यो यात्राका क्रममा जनतामा यो सन्देश दिन चाहन्छौँ। ‘

बैतडीको झुलाघाटबाट पाँचथरको चिवा भञ्ज्याङ जोड्ने पुष्पलाल मध्य पहाडी लोकमार्ग अभियान सफल बनाउने कार्यमा पार्टीका नेता तथा कार्यकर्ताहरु लागिपरेका छन् । यात्रामा स्थायी कमिटी, केन्द्रिय कमिटी, पोलिटब्युरोका सदस्यहरुका साथै जनसंगठनका नेतारकार्यकर्ताहरु सहभागी भएका छन् ।

मंसिर १४ गते बिहान बैतडी जिल्लाको झुलाघाटबाट शुरु भएको यात्रा पुस महिनाको २ गते पाँचथर जिल्लाको चिवाभञ्ज्याङमा गएर यात्रा सम्पन्न हुनेछ ।