काठमाडौं । नेपाली कांग्रेसका प्रमुख सचेतक बालकृष्ण खाँणले निसीखोला गाउँपालिका र बडिगाड गाउँपालिकाको सिमाना बल्देधुरीमा भएको झडप घटनाको अविलम्ब छानबीन गर्न सरकारसँग आग्रह गर्नुभएको छ ।
प्रतिनिधि सभाको बैठकमा बोल्दै खाँणले उक्त घटनामा आफ्ना पार्टीका स्थानीय नेताहरु प्रकाश कुवँर र दीपक परियारको ज्यान जानेगरी घटाइएको हिंसात्मक घटनाको भत्सर्ना गर्नुभएको छ ।
यस्तै उहाँले अपराधीहरुलाई चाँडो भन्दा चाँडो कारबाहीमा ल्याउन सरकारसँग आग्रहसमेत गर्नुभयो । नेता खाँणले म्यान्मारमा भइरहेको सैन्य प्रदर्शनको पनि घोर भत्सर्ना गर्नुभयो ।
