काठमाडौं । नेपाली कांग्रेसका नेता तथा प्रतिनिधि सभाका सांसद राजेन्द्रकुमार केसीले मेलम्चीको पानी काठमाडौं ल्याएको जस अहिलेको सरकारलाई मात्र दिन नमिल्ने बताउनुभएको छ ।
बुधबार प्रतिनिधिसभाको बैठकमा बोल्दै नेता केसीले मेलम्चीको पानी काठमाडौं ल्याउने सपना ३० वर्षअघि नै कांग्रेसका तत्कालिन नेता कृष्णप्रसाद भट्टराईले देखेको बताउनुभयो ।
३० वर्षयता भएको कामका कारणले नै अहिले मेलम्चीको पानी काठमाडौं आइपुगेको उहाँले बताउनुभयो ।
जस कसले लिने भन्ने ठूलो कुरा नभई काठमाडौंमा पानी आउनु ठूलो कुरा भएको भन्दै उहाँले ३० वर्षदेखि गरेको काम अहिले मैले गरेँ भनेर हुंकार गर्नु कत्तिको न्यायोचित हुन्छ ? भनेर प्रश्नसमेत गर्नुभयो ।
