एजेन्सी । इन्डियन प्रिमियर लिग (आईपीएल) २०२४ को लागि बजार तयार छ । आईपीएल १७ औं सिजनको लिलामी डिसेम्बर १९ मा दुबईमा हुने भएको छ । यसपटक धेरै ठूला खेलाडीले आफ्नो नाम लिलामीको टेबुलमा पठाएका छन्, जसलाई लिनका लागि टोलीबीच ठूलो भिडन्त हुनसक्छ ।
हामी तपाईलाई यस्ता पाँच खेलाडीको बारेमा बताउँछौं, जसले फ्रेन्चाइजीहरूलाई मिनी लिलामीमा धेरै पैसा गर्न बाध्य पार्न सक्छन् ।
१. ट्राभिस हेड
अस्ट्रेलियाका ओपनर ट्राभिस हेडले पहिलो पटक आईपीएलको लिलामीका लागि आफ्नो नाम पठाएका छन् । हेड अहिले उत्कृष्ट फर्ममा छन् । उनले सन् २०२३ को विश्वकपमा अष्ट्रेलियालाई उपाधि दिलाएका थिए । योसँगै हेडले भारतविरुद्धको टी–२० सिरिजमा आफ्नो तूफानी ब्याटिङको झलक पनि देखाएका थिए । यही कारणले गर्दा लिलामीको टेबुलमा रहेका टोलीहरूबीच हेडलाई जित्नको लागि कडा भिडन्त हुनसक्छ ।
२. रचिन रविन्द्र
न्युजिल्यान्डका युवा अलराउन्डर रचिन रविन्द्रले सन् २०२३ को विश्वकपमा आफ्नो दमदार प्रदर्शनबाट धेरै नाम कमाएका छन् । रचिनका लागि मिनी लिलामीमा धेरै टोलीहरूले पानी जस्तै पैसा खर्च गर्न सक्छन् । शीर्ष क्रममा ब्याटिङका साथसाथै किवी खेलाडीले स्पिन बलिङबाट ठूला ब्याट्सम्यानलाई समेत आफ्नो सिकार बनाउन सक्छन् ।
३. मिचेल स्टार्क
यस पटक मिचेल स्टार्कले आफ्नो नाम लिलामीमा पठाएका छन् । स्टार्कको गति निकै बलियो छ र उनलाई बललाई दुबैतर्फ स्विङ गर्ने कला पनि थाहा छ । यही कारणले गर्दा स्टार्कलाई टोलीमा समावेश गर्न धेरै ठूला टोलीहरूबीच भिडन्त हुनसक्छ ।
४.जेराल्ड कोएत्जी
दक्षिण अफ्रिकाका युवा बलर कोएत्जी सन् २०२३ को विश्वकपमा आफ्नो गतिका कारण चर्चामा रहे । दक्षिण अफ्रिकाका लागि कोएत्जीले सर्वाधिक विकेट पनि लिए । गतिका साथसाथै कोएत्जी राम्रो लाइन र लेन्थका साथ बलिङ गर्दै देखिएका छन् । यही कारण यी बलरलाई टिममा समावेश गर्न धेरै टिमबीच प्रतिस्पर्धा चल्नेछ ।
५. शाहरुख खान
भारतका युवा ब्याट्सम्यान शाहरुख खानले पनि लिलामीको टेबलमा हलचल मच्चाउन सक्छन् । आईपीएल २०२३ मा शाहरुखको प्रदर्शन प्रभावशाली थियो र उनले १६५ को स्ट्राइक रेटमा रन बनाएका थिए । यति मात्र होइन, तमिलनाडु प्रिमियर लिगमा पनि शाहरुखले ब्याटसँगै बलमा पनि चमत्कार गरेका थिए ।
