एजेन्सी । कन्नड रकिङ स्टार यशको फिल्म ‘केजीएफ’ र ‘केजीएफ २’ ले बक्स अफिसमा धमाका मच्चाएको थियो । प्रशान्त नीलद्वारा निर्देशित यो उनको पहिलो फिल्म थियो, जुन भारतभर रिलिज भएको थियो ।
फिल्मको कथा र यशको धमाकेदार एक्सन देखेपछि फ्यानहरूको मागमा निर्माताले केजीएफ २ ल्याएका हुन् जसले बक्स अफिसमा पहिलो पार्टभन्दा दोब्बर व्यापार गरेको थियो ।
केजीएफ २ मा यशसँग सञ्जय दत्त मुख्य भूमिकामा देखिएका थिए । केजीएफ ३ को चर्चाको बीचमा हालै यशको तेस्रो फिल्मको घोषणा भएको छ ।
दक्षिण र हिन्दी दर्शकको मनपर्ने स्टार बनेका कन्नड रकिङ स्टार यश केजीएफ २ पछि आफ्नो अर्को फिल्मको घोषणा गर्न लामो समयदेखि पर्खिरहेका थिए । अब भर्खरै त्यो क्षण आएको छ, किनकि यशले आफ्नो अर्को फिल्म घोषणा गरेका छन् ।
ट्रेड एनालिस्ट तरण आदर्शले आफ्नो आधिकारिक ट्विटर अकाउन्टमा यशको अर्को फिल्मको बारेमा जानकारी शेयर गरेर फ्यानहरूको बेचैनी दोब्बर पारेका छन् । यशको नयाँ फिल्मको बारेमा अपडेट दिँदै उनले लेखे – ‘केजीएफ २ पछि यशले आफ्नो अर्को फिल्म डिसेम्बर ८ मा घोषणा गर्न लागेका छन् । केजीएफ २ को सफलता पछि, उनले छिट्टै आफ्नो अर्को फिल्मको शीर्षक घोषणा गर्नेछन् ।’
जानकारी बाँड्दै उनले अहिले कन्नड रकिङ स्टारको फिल्मको टेन्टेटिभ शीर्षक ‘यश १९’ रहेको पनि बताए । यशले यो फिल्ममा केभीएन प्रोडक्सनसँग सहकार्य गर्दैछन् ।
यशको अबको फिल्मको नाम के होला, डिसेम्बर ८ मा पर्दाफास हुनेछ । यशको फिल्म केजीएफले बक्स अफिसमा विश्वभर १२ सय करोडको व्यापार गरेको थियो ।
