काठमाडौँ । नेपाली सुनचाँदी बजारमा सुनको मूल्यले आज मंगलबार पनि नयाँ रेकर्ड बनाएको छ ।
सोमबार मात्रै हालसम्मकै उच्च मूल्यमा कारोबार भएको सुनको मूल्यले आज मंगलबार नयाँ ऐतिहासिक रेकर्ड बनाएको हो । सोमबार सुन प्रतितोला एक लाख १७ हजार चार सय रूपैयाँ कायम भई नयाँ रेकर्ड बनाएको थियो ।
आज छापावाल सुन प्रतितोला तीन सय रूपैयाँले बढेर एक लाख १७ हजार सात सय रूपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ ।
यस्तै, आज तेजाबी सुन प्रतितोला एक लाख १७ हजार एक सय ५० रूपैयाँमा कारोबार भइरहेको छ । सोमबार तेजाबी सुन प्रतितोला एक लाख १६ हजार आठ सय ५० रूपैयाँमा कारोबार भएको थियो ।
यस्तै, मंगलबार चाँदीको मूल्य भने स्थिर रहेको छ । आज चाँदी सोमबार कै मूल्यमा यथाबत रहि प्रतितोला १ हजार पाँच सय रूपैयाँमा कारोबार भईरहेको महासंघले जनाएको छ ।
