जनकपुरधाम । राष्ट्रिय स्वतन्त्र पार्टी (रास्वपा)ले केन्द्रीय समिति र संसदीय दलको संयुक्त बैठक महोत्तरीको जलेश्वरमा बस्न लागेको छ ।
आजदेखि तीन दिनसम्म बैठक बस्न लागेको पार्टी संसदीय दलका प्रमुख सचेतक सन्तोष परियारले जानकारी दिए ।
केन्द्रीय अनुशासन आयोग, केन्द्रीय लेखा आयोग र प्रदेश सभापतिहरूको समेत सहभागिता रहने बैठकमा राजनीतिक, साङ्गठनिक, आर्थिक, अनुशासनसम्बन्धी प्रतिवेदन प्रस्तुत हुने सचेतक परियारले बताए । साथै, बैठकमा सांसद र संसदीय कार्यको समीक्षा, पार्टीको समग्र रणनीति र महाधिवेशनलगायत विषयमा पनि छलफल हुनेछ ।
रास्वपाका सभापति रवि लामिछाने यसअघि मङ्सिर ८ गते नै मधेश गईसकेका छन् । उनले बारा, रौतहट र सप्तरीमा आयोजित जनसभालाई सम्बोधन गरिरहेका छन् । बैठकमा सहभागी हुन केन्द्रीय समितिका पदाधिकारी तथा सदस्य र पार्टी सांसदहरु पनि जाने क्रम जारी रहेको छ ।
