एजेन्सी । बलिउड स्टार अक्षय कुमार अभिनित प्रतिक्षीत फिल्म ‘सूर्यवंशी’ को रिलिज फेरि पोस्टपोन्ड भएको छ । भारतमा दैनिक उच्च संख्यामा संक्रमित थपिन थालेपछि यसले असर पुग्ने भन्दै निर्माण टिमले फिल्मको रिलिज अनिश्चितकालका लागि स्थगन गर्ने निर्णय गरेको हो ।
रोहित शेट्टीको लगानी तथा निर्देशनमा बनेको यो फिल्म ३० अप्रिल अर्थात बैशाख १७ मा रिलिज हुने तयारीमा थियो । यसअघि पनि कोरोनाकै कारण फिल्मको रिलिज रोकिएको थियो ।
यस्तै प्रदर्शनको तयारीमा रहेका प्रायः फिल्मको रिलिज स्थगन भएका छन् । यसअघि कोरोनाका कारण ‘चेहरे’ र ‘बन्टी और बब्ली २’ ले रिलिज पोस्टपोन्ड गरेका थिए । अब सलमान खानको ‘राधे’ र कंगना रनावतको ‘थलाइवी’ को रिलिज पनि पोस्टपोन्ड हुने सम्भावना बढेको छ ।
‘सूर्यवंशी’मा अक्षयलाई कटरीना कैफले साथ दिएकी छन् भने फिल्ममा अजय देवगन र रणवीर सिंहलाई पनि गेस्ट रोलमा देख्न पाइनेछ ।
