एजेन्सी । एकदिवसीय विश्वकपको फाइनलमा भारत अस्ट्रेलियासँग पराजित भए पनि ४६ दिनसम्म चलेको यस प्रतियोगितामा ४५ दिनसम्म भारत अग्रपंक्तिमा रह्यो । कुल ११ खेल खेलिएको थियो, जसमध्ये भारत मात्र १० खेल जित्ने टोली हो ।
यो विश्वकपमा सर्वाधिक रन बनाउने हिसाबले भारतका विराट कोहली शीर्ष स्थानमा र रोहित शर्मा दोस्रो स्थानमा छन् । विराटले ७ सय ६५ र रोहितले ५ सय ९७ रन बनाएका थिए । यस्तै भारतकै बलर मोहम्मद शामीले सर्वाधिक २४ विकेट लिए । यो प्रतियोगिता अक्टोबर ५ देखि १९ नोभेम्बरसम्म चलेको थियो ।
फाइनलमा विराट कोहलीले ५४ रनको इनिङ खेलेका थिए । योसँगै उनले ७ सय ६५ रन बनाएर यो विश्वकप पूरा गरे । उनी विश्वकपमा सर्वाधिक रन बनाउने खेलाडी बने । दोस्रो स्थानमा भारतका सचिन तेन्दुलकर छन्, जसले २००३ मा ६७३ रन बनाएका थिए ।
यस्तै, कोहलीले न्यूजिल्याण्डविरुद्धको सेमिफाइनलमा शतक बनाए, जुन उनको एकदिवसीय करियरको ५० औं शतक थियो । विराटले सचिन तेन्दुलकरको कीर्तिमान तोड्दै एकदिवसीयमा सबैभन्दा धेरै शतक बनाउने कीर्तिमान बनाएका हुन् । जसको नाममा ४९ ओडीआई शतक थियो ।
न्युजिल्याण्डविरुद्ध तेस्रो विकेट लिएर मोहम्मद शामीले विश्वकपमा आफ्नो ५० विकेट पुरा गरे । यसका लागि उनले १७ पारी मात्र लिए, जुन प्रतियोगिताको इतिहासमा सबैभन्दा छिटो हो । उनले अस्ट्रेलियाका मिचेल स्टार्कको कीर्तिमान तोडे जसले १९ इनिङ्समा ५० विकेट लिएका थिए । शामी यस विश्वकपमा २४ विकेट लिएर शीर्ष स्थानमा रहे ।
भारतले सेमिफाइनलमा न्युजिल्यान्डविरुद्ध ३९७ रन बनाएको थियो । यो एकदिवसीय विश्वकपको नकआउट खेलमा बनेको उच्च स्कोर हो । यसअघि यो कीर्तिमान न्युजिल्याण्डको नाममा थियो । सन् २०१५ को विश्वकपमा न्युजिल्याण्डले वेस्ट इन्डिजविरुद्ध ३९३ रन बनाएको थियो ।
भारतका कप्तान रोहित शर्माले एकदिवसीय विश्वकप २०२३ मा ५९७ रन बनाएका थिए । उनी फाइनलमा ४७ रन बनाएर आउट भए र यससँगै प्रतियोगितामा उनको आक्रामक ब्याटिङ यात्रा समाप्त भयो । उनी एक विश्वकपमा कप्तानको रुपमा सबैभन्दा धेरै रन बनाउने खेलाडी बने । रोहितले न्युजिल्यान्डका केन विलियम्सनको कीर्तिमान तोडे, जसले २०१९ मा कप्तानको रूपमा ५७८ रन बनाएका थिए ।
यस्तै, रोहितले अस्ट्रेलियाविरुद्धको फाइनलमा ३ छक्का प्रहार गरेका थिए । योसँगै उनले प्रतियोगितामा ३१ छक्का प्रहार गरे । उनी विश्वकपमा सबैभन्दा बढी छक्का प्रहार गर्ने खेलाडी बने । उनले २०१५ को विश्वकपमा २६ छक्का प्रहार गर्ने वेस्ट इन्डिजका क्रिस गेलको कीर्तिमान तोडे ।
रोहितले २०२३ को विश्वकपमा ३१ छक्का प्रहार गरेका थिए । यसअघि उनले २०१५ र २०१९ को प्रतियोगितामा २३ छक्का प्रहार गरेका थिए, यसरी विश्वकपमा उनको कुल ५४ छक्का पुग्यो । रोहित विश्वकपमा सबैभन्दा बढी छक्का प्रहार गर्ने खेलाडी बने । यहाँ उनले ३५ इनिङ्समा ४९ छक्का प्रहार गर्ने क्रिस गेलको कीर्तिमान पनि तोडे ।
साथै, उनी अन्तर्राष्ट्रिय क्रिकेटमा सबैभन्दा बढी छक्का प्रहार गर्ने खेलाडी पनि बने । उनले वेस्ट इन्डिजका क्रिस गेलको कीर्तिमान तोडे जसले ५५३ अन्तर्राष्ट्रिय छक्का प्रहार गरेका छन् । रोहितको नाममा अहिले तीनवटै ढाँचामा ५८२ छक्का छ ।
भारतका ओपनर शुभमन गिलले विश्वकपमा न्यूजिल्याण्ड विरुद्धको लिग चरणको खेलमा २६ रन बनाएका थिए । योसँगै उनले एकदिवसीय क्रिकेटमा २ हजार रन पनि पूरा गरेका छन् । यसका लागि उनले ३८ इनिङ्स मात्र लिए, जुन एकदिवसीय इतिहासमा सबैभन्दा कम हो । शुभमनले ४० इनिङ्समा दुई हजार ओडीआई रन पूरा गर्ने दक्षिण अफ्रिकाका हासिम अमलाको कीर्तिमान तोडे ।
