प्यूठान । प्यूठानमा बेहुली लिएर गएको जिप दुर्घटना भएको छ । दुर्घटनामा परि ८ जनाको मृत्यु भएको छ ।
दुर्घटनास्थलमै ६ जना र उपचारका क्रममा जिल्ला अस्पताल बिजुवारमा थप दुई जनाको मृत्य भएको जिल्ला प्रहरी कार्यालय प्यूठानले जानकारी दिएको छ ।
नौबहिनी गाउँपालिकाको लुङबाट बेहुली लिएर गौमुखी गाउँपालिकाको लिवाङ जाँदै गरेको ग १ ज ५०९२ नम्बर को जिप ओखरपाटामा शनिबार बिहान ३ बजे दुर्घटनामा परेको थियो ।
बेहुलाको घर नजिकै पुगेको बेला जिप दुर्घटनामा परेको थियो। जिप सडकदेखि ३०० मिटर तल खोल्सामा खसेको थियो ।
बाटोमा झरेको पहिरोको कारण जिप दुर्घटनामा परेको बताइएको छ ।
मृतकहरूको सनाखत भइनसकेको प्रहरीले जनाएको छ ।
