एजेन्सी । एकदिवसीय विश्वकप २०२३ को फाइनल खेलको एक दिन अगाडि शनिबार अस्ट्रेलियाका कप्तान प्याट कमिन्सले भारतका फास्ट बलर मोहम्मद शामीको तारिफ गरेका थिए । उनले शामीलाई आफ्नो टोलीका लागि सबैभन्दा ठूलो खतरा भनेका छन् ।
पत्रकार सम्मेलनमा कमिन्सले भने, ‘शामी निकै राम्रो खेलिरहेका छन् । उनको बलिङ राम्रो छ ।’
उनले यो पनि भने कि प्रतियोगितामा भारतको प्रदर्शन धेरै राम्रो छ । भारत धेरै राम्रो टोली भएको बताउँदै अष्ट्रेलियाले पनि राम्रो खेलिरहेको बताए ।’
उनले भने –
अहमदाबादको भीडले एकतर्फी रूपमा भारतलाई समर्थन गर्नेछ । अहमदाबादमा भारतीय टोलीलाई ठूलो समर्थन मिलेको छ र यो विश्वकपमा पाकिस्तानविरुद्धको खेलमा देखिएको थियो, तर खेलमा १–३ लाख दर्शकलाई चुप गराउनु सन्तोषजनक हुनेछ ।
हामीले राम्रो सुरुवात गर्न सकेनौं, तर एक टिमको रूपमा हामीले राम्रो प्रदर्शन गरिरहेका छौं । हो, हामी पहिलो दुई खेल हारेर १९९९ मा च्याम्पियन बन्यौं, तर त्यो अहिले पुरानो भइसकेको छ । हाम्रो ध्यान भोलि हुने फाइनलमा छ ।
