धनगढी । धनगढीमा भीषण आगलागी भएको छ । गए राति १ बजे धनगढी उपमहानगरपालिका १ सारथि अस्पताल क्षेत्रमा आगलागी भएको हो ।
दल बहादुर भण्डारीले सञ्चालन गरेको जुत्ता तथा चप्पलको गोदाममा मध्यराति लागेको आगो फैलिदा एक अस्पताल सहित आठ वटा पसलमा ठूलो क्षति भएको छ ।
राति एक बजे आगो लागेको भएको क्षतिको बिबरण अझै प्राप्त हुन नसकेको जिल्ला प्रहरी कार्यालय कैलालीका प्रमुख प्रहरी उपरीक्षक देवेन्द्र पालले जानकारी दिनुभयो ।
आगोलागीबाट मधुमाला देवी सप ,भट्ट सपिङ्ग सेन्टर , सुभिक्षा देवी सपिङ् सेन्टर, न्यु सदिक्षा ईन्टरप्राईजेज भण्डारी सु –सेन्टर, सारथी अस्पताल र भट्ट ट्रेडर्स एण्ड सप्लायर्समा क्षती भएको छ ।
आगलागी पछि धनगढी उपमहानगरपालिकाका २ वटा,गोदावरी नगरपालिकाका एक, कञ्चपुरको पुनर्वास नगरपालिकाका एक गरी गरी ४ वटा दमकलले नियन्त्रणमा लिएको थियो ।
तस्बिरः सिद्धराज भट्ट / रासस
