एजेन्सी । विश्वकप २०२३ को दोस्रो सेमिफाइनल खेलमा दक्षिण अफ्रिकाले अष्ट्रेलियाको सामना गर्यो । यो खेलमा अष्ट्रेलिया ३ विकेटले विजयी बन्दै फाइनलमा प्रवेश गरेको छ । दक्षिण अफ्रिकी टोलीले लिग चरणमा उत्कृष्ट प्रदर्शन गर्यो, तर सेमिफाइनलमा टोली निराश बन्यो ।
कोलकाताको इडेन गार्डेनमा भएको खेलमा टस जितेर पहिले ब्याटिङ गरेको दक्षिण अफ्रिका ४९.४ ओभरमा २१२ रनमा अलआउट भयो । डेभिड मिलरको १०१ रनको शतकीय इनिङको आधारमा दक्षिण अफ्रिकाको टोलीले २०० रनको स्कोर पार गर्न सफल भयो । जवाफमा अष्ट्रेलियाले ४७.२ ओभरमा लक्ष्य पुरा गर्यो । खेलमा पराजयपछि कप्तान टेम्बा बाभुमा निकै निराश देखिए ।
विश्वकप २०२३ को सेमिफाइनल खेलमा दक्षिण अफ्रिकी टोलीसँग पराजित भएपछि टेम्बा बाभुमाले भने –
म यसलाई शब्दमा व्यक्त गर्न सक्दिन । अष्ट्रेलियालाई फाइनलमा पुगेकोमा शुभकामना । साँच्चै कंगारु टोलीले राम्रो खेल्यो । हामीलाई धेरै लचकता देखायो ।
हामीले ब्याट र बलबाट सुरु गर्ने तरिका यो खेलको टर्निङ प्वाइन्ट थियो, तर हामीले यसलाई अगाडि बढाउन सकेनौं । अस्ट्रेलियाले उत्कृष्ट बलिङ गर्यो, हामीलाई सुरुदेखि नै दबाबमा राखेको थियो । जब तपाइँ २४ रन को स्कोर मा ४ विकेट गुमाउनुहुन्छ, तपाइँ सधैं राम्रो स्कोर बनाउन को लागी धेरै संघर्ष गर्नुपर्छ ।
जब डेभिड मिलर र क्लासेन त्यहाँ थिए हामीले केहि हासिल गर्न सक्छौं भन्ने आशा थियो, तर दुर्भाग्यवश त्यो पनि लामो समय टिकेन । मिलरको पारी उत्कृष्ट थियो । यो दबाबको अवस्थामा र विश्वकपको सेमिफाइनलमा यस्तो प्रदर्शन साधारण थिएन ।
अष्ट्रेलियाले खेलको दोस्रो इनिङ्सको पहिलो १० रनमा ७० रन बनाएको थियो र यसले वास्तवमा उनीहरूका बाँकी खेलाडीहरूलाई लामो समयसम्म क्रिजमा बस्ने मौका दियो । मार्कराम र केशवले उत्कृष्ट प्रदर्शन गरे । हामीसँग अवसरहरू थिए, कठिन अवसरहरू, जुन हामीले गुमायौं, यदि हामीले तिनीहरूलाई राखेको भए यो अलि नजिक हुन सक्थ्यो ।
