एजेन्सी । स्पेनिस फुटबल लिग ला लिगा अन्तर्गत बार्सिलोनाले जित निकालेको छ । गएराति भएको खेलमा बार्सिलोनाले अलाभेसलाई २-१ गोलले पराजित गरेको हो ।
घरेलु मैदान क्याम्प नोउमा भएको खेलमा बार्सिलोनाको जितमा दुबै गोल रोबर्ट लेवान्डोस्कीले गरे । उनले ५३ औं मिनेटमा तथा ७८ औं (पेनाल्टी)मा गोल गरे । अलाभेसका सामु ओमोरोडिओनले खेलको पहिलो मिनेटमै गोल गर्दै सुरुवाती अग्रता दिलाएका थिए तर, त्यसपछि अलाभेसले गोल थप्न सकेन ।
यो नतिजासँगै बार्सिलोना १३ खेलबाट ३० अंकका तालिकाको तेस्रो स्थानमा छ । अलाभेस समान खेलबाट १२ अंकका साथ १५ औं स्थानमा छ ।
