काठमाडौँ । नेपाली सुनचाँदी बजारमा आज बिहिबार पनि सुनको मूल्य घटेको छ । सोमबारदेखि घट्ने क्रममा रहेको सुनको मूल्यले आज बिहिबार पनि निरन्तरता पाएको हो ।
बिहिबार छापावाल सुन प्रतितोला एक हजार रूपैयाँले घटेर एक लाख १३ हजार सात सय रुपैयाँमा कारोबार भईरहेको नेपाल सुनचाँदी व्यवसायी महासंघले जनाएको छ । बुधबार उक्त सुन प्रतितोला एक लाख १४ हजार सात सय रूपैयाँमा कारोबार भएको थियो ।
यस्तै, आज तेजाबी सुन प्रतितोला एक लाख १३ हजार एक सय ५० रूपैयाँमा कारोबार भइरहेको छ । हिजो तेजाबी सुन प्रतितोला एक लाख १४ हजार एक सय ५० मा कारोबार भएको थियो ।
त्यसैगरी, बिहिबार चाँदीको मूल्य पनि घटेको छ । आज चाँदी प्रतितोला ५ रुपैँयाले घटेर एक हजार तीन सय ८० रूपैयाँमा कारोबार भइरहेको महासंघले जनाएको छ ।
