काठमाडौँ । वरिष्ठ अधिवक्ता डा. सुरेन्द्रराज भण्डारी विरुद्ध राष्ट्रिय महिला आयोगमा उजुरी परेको छ ।
आफूलाई पत्नीको रुपमा स्वीकार गर्न इन्कार गरेको र ज्यान मार्ने धम्की समेत दिएको भन्दै जानकी पाण्डेले मंगलबार आयोगमा उजुरी दर्ता गरेकी हुन् ।
कानुन व्यवसायी समेत रहेकी उनले भण्डारीमाथि सुरक्षा निगरानी गर्न र आफ्नो, सन्तान तथा नातेदारको जिउज्यानको सुरक्षा गर्न माग गरेकी छन् ।
१९ माघ २०७४ मा आफूहरुबीच सामाजिक परम्परा अनुसार विहे भएको, त्यसपछि एकसाथ बस्दै आएको तर पछिल्लो समय पटक-पटक विवाह दर्ताका लागि अनुरोध गर्दा भण्डारीले इन्कार गरेको उजुरीमा उल्लेख छ ।
