एजेन्सी । नयाँ दिल्लीस्थित अरुण जेटली स्टेडियममा सोमबार बंगलादेश र श्रीलंकाबीच भएको विश्वकप २०२३ को ३८औँ खेल विवादका कारण चर्चित बनेको छ ।
श्रीलंकाका अनुभवी अलराउन्डर एन्जेलो म्याथ्युज अन्तर्राष्ट्रिय क्रिकेटमा टाइमआउट हुने पहिलो क्रिकेटर बनेका छन् ।
यसपछि बंगलादेशका कप्तान शकिब अल हसन आलोचकको निशानामा बने र उनको खेलकुदको निकै आलोचना भइरहेको छ ।
तर, म्याथ्युजविरुद्ध टाइम आउटका लागि अपिल गर्नमा शकिब अल हसनलाई कुनै संकोच छैन । यो सहि हो कि होइन थाहा नभएको तर कानुन भित्र रहेको उनले बताए ।
‘म युद्धमा छु जस्तो लाग्यो । मैले जे गर्नुपर्ने थियो, गरेँ । यस विषयमा बहस हुनेछ । समयले हामीलाई मद्दत गर्यो, म यसलाई बेवास्ता गर्दिनँ । हाम्रा एकजना फिल्डर मसँग आए र भने कि यदि तपाईले अपील गर्नुभयो भने, कानूनले भन्छ कि उसले समयलाई वेवास्ता गरे उनी बाहिर हुन्छन् ।’ शकिबले भने ।
बंगलादेशसँगको हार श्रीलंकाका लागि धेरै हिसाबले नराम्रो साबित भयो । उसको समस्या बढेको छ । श्रीलंकाको टोली सन् २०२३ को विश्वकपको सेमिफाइनलको दौडबाट पूर्ण रुपमा बाहिरिएको छ । यसका साथै च्याम्पियन्स ट्रफीको छनोटमा पनि उसको कठिनाइ बढेको छ ।
यो पनिः एन्जेलोले बंगलादेशमाथि रिस पोख्दै भने – कसैलाई यति तल गिरेको कहिल्यै देखेको छैन
