काठमाडौं । नेपाल राष्ट्र बैंकले आज (सोमबार) ट्रेजरी बिल बिक्री गर्ने भएको छ । केन्द्रीय बैंकले एक सूचना जारी गर्दै ट्रेजरी बिल बिक्री गर्नेबारे जानकारी गराएपछि बिक्री गर्न लागिएको हो ।
बैंकले रु १० अर्ब २५ करोड बराबरको ट्रेजरी बिल विक्री गर्न लागेको सूचनामा जनाइएको छ । त्यसमा रु ८ अर्ब बराबरको ट्रेजरी बिल भने ९१ दिने अवधिको रहेको छ । सो बिल आगामी असार २९ गते परिपक्व हुनेछ ।
यस्तै रु दुई अर्ब २५ करोडको ट्रेजरी बिल भने १८२ दिनका लागि हो । सो बिल भने आगामी असोज २६ गते परिपक्व हुनेछ । यसअघि पनि बैंकले रु २१ अर्ब १० करोड बराबरको ट्रेजरी बिल बिक्री गरेको थियो ।
