काठमाडौं । नेपालमा थप ४९० जनामा कोरोना संक्रमण पुष्टि भएका छन् । पछिल्लो २४ घण्टामा ५६४ एन्टिजेन परीक्षण गर्दा थप ४४ जनामा कोरोना संक्रमण पुष्टि भएको हो।
स्वास्थ्य तथा जनसंख्या मन्त्रालयका अनुसार काठमाडौंमा १४५, ललितपुरमा ४३, कास्कीमा ३८, बाँकेमा ८९, मोरङ र दाङमा १३र१३, रुपन्देहीमा १६, महोत्तरी र बाग्लुङमा १०र१० जनामा संक्रमण पुष्टि भएको छ।
पछिल्लो २४ घण्टामा १५७ जना कोरोना संक्रमणमुक्त भएका छन्। योसँगै कोरोना संक्रमणमुक्त हुनेको संख्या २ लाख ७४ हजार ६०४ पुगेको छ। त्यस्तै कोरोना संक्रमण भएर ४ हजार ३८४ जना आइसोलेसनमा रहेका छन् र ६८ क्वारेन्टाइनमा रहेका छन्।
हाल देशभर ४ हजार ३८४ सक्रिय संक्रमित रहेका छन्। पछिल्लो २४ घण्टमा थप ५ जनाको मृत्यु भएको छ। योसँगै मृतकको संख्या ३ हजार ३८ पुगेको मन्त्रालयले जनाएको छ।
