काठमाडौँ । नेपालमा आयोजना हुने टी–ट्वान्टी त्रिकोणात्मक क्रिकेट सिरिजको खेल तालिका सार्वजनिक भएको छ । नेपाल क्रिकेट संघ (क्यान)ले बुधबार खेल तालिका सार्वजनिक गरेको हो ।
तालिका अनुसार नेपालले पहिलो खेल यूएईसँग खेल्नेछ । प्रतियोगितामा नेपालसहित यूएई र हङकङ समावेश छन् । सिरिज कात्तिक १ गतेदेखि कात्तिक १० गतेसम्म काठमाडौँमा सञ्चालन हुने क्यानले जनाएको छ ।
नेपालले पहिलो खेल कात्तिक १ मा यूएईसँग र कात्तिक २ गते हङकङसँग खेल्नेछ । डबल राउण्ड रोबिन लिगका आधारमा सञ्चालन हुने प्रतियोगिताको शीर्ष दुई टिमले फाइनल खेल्नेछन् । कात्तिक १० गते सिरिजको फाइनल खेल हुनेछ । प्रतियोगिताको फाइनल बाहेक सम्पुर्ण खेल मुलपानी क्रिकेट मैदानमा हुनेछ ।
टी–ट्वान्टी विश्वकप छनोट खेल्न लागेको नेपालले तयारीस्वरुप त्रिकोणात्मक सिरिजको आयोजना गरेको हो ।
