एजेन्सी । एकदिवसीय विश्वकपको सुरुवात सानदार भएको छ । अहमदाबादको नरेन्द्र मोदी स्टेडियममा शुक्रबार भएको पहिलो खेलमा न्युजिल्याण्डले साविक विजेता इंग्ल्याण्डलाई ९ विकेटले पराजित गर्यो ।
पहिले ब्याटिङ गरेको इंग्ल्याण्डले निर्धारित ५० ओभरमा ९ विकेट गुमाएर २८२ रन बनाएको थियो । जो रुटले ७७ रनको इनिङ खेले । जवाफमा न्युजिल्यान्डले ३६.२ ओभरमा एक विकेट गुमाएर लक्ष्य पुरा गर्यो ।
डेभन कोनवेले १२१ बलमा १९ चौका र तीन छक्का प्रहार गर्दै अविजित १५२ रन बनाए भने रचिन रविन्द्रले ९६ बलमा ११ चौका र पाँच छक्काको मद्दतले १२३ रन बनाए ।
यो उनीहरुको पहिलो एकदिवसीय विश्वकप हो र उनीहरु दुबैले यस प्रतियोगितामा आफ्नो पहिलो खेलमा उत्कृष्ट प्रदर्शन गरे ।
तीमध्ये २३ वर्षीय रचिन रविन्द्रको सबैभन्दा धेरै प्रशंसा भइरहेको छ, जो अलराउन्डर हुन् । उनी इंग्ल्याण्डविरुद्ध तेस्रो नम्बरमा ब्याटिङ गर्न आएका थिए, जुन न्यूजिल्याण्डका कप्तान केन विलियम्सनको नियमित ब्याटिङ पोजिसन हो । तर, रचिनले आफ्नो ब्याटिङबाट विलियम्सनलाई कत्ति पनि मिस हुन दिएनन् ।
रचिनको यो १३ औं एकदिवसीय खेल थियो र उनले ब्याटिङ गरेको परिपक्वता देखेर सबै छक्क परेका थिए । सबैभन्दा ठूलो कुरा भने यो खेलको प्लेइङ–११ मा रचिनको स्थान पनि पक्का हुन सकेको छैन । न्यूजिल्याण्ड लकी फर्गुसनसँग फिल्डिङमा जाँदै थिए, तर बिहीबार उनले चोटको बारेमा जानकारी दिए र खेल भन्दा ठीक अघि रचिन खेल्न लागेको बताए ।
यसका बाबजुद रचिनले उत्कृष्ट पारी खेले । ब्याट मात्र होइन बलमा पनि उत्कृष्ट प्रदर्शन गर्दै १० ओभरमा ७६ रन दिएर ह्यारी ब्रुकको महत्वपूर्ण विकेट लिए । रचिनले आफ्नो पहिलो विश्वकप खेलमा नै धेरै रेकर्ड तोडे । उनी अब न्यूजिल्याण्डका लागि एकदिवसीय विश्वकपमा सबैभन्दा छिटो शतक बनाउने खेलाडी बनेका छन् । उनले ८२ बलमा शतक बनाए ।
उनी यो सूचीमा दोस्रो नम्बरमा छन् । यसअघि यो कीर्तिमान मार्टिन गप्टिलको नाममा थियो । उनले सन् २०१५ को विश्वकपमा बंगलादेशविरुद्ध ८८ बलमा शतक बनाएका थिए । रचिनको अन्तर्राष्ट्रिय करियरको यो पहिलो शतक पनि थियो । यस्तै, स्टेफन फ्लेमिङले २००७ को विश्वकपमा बंगलादेशविरुद्ध ९० बलमा शतक बनाएका थिए र उनी सूचीमा चौथो नम्बरमा छन् ।
को हुन् रचिन रविन्द्र ? उनको नाम कसरी रह्यो ?
रचिन रविन्द्रको जन्म १८ नोभेम्बर १९९९ मा न्यूजिल्याण्डको वेलिंगटनमा भएको थियो । उनका बुबा रवि कृष्णमूर्ति सफ्टवेयर इन्जिनियर हुन् । उनी भारतको कर्नाटकको बेंगलुरुका हुन् । रवि ९० को दशकमा न्युजिल्यान्ड गएका थिए र रचिन वेलिंगटनमा जन्मेका थिए ।
रचिनका बुबा रवि क्रिकेट मन पराउँछन् र उनी भारतीय दिग्गज सचिन तेन्दुलकर र राहुल द्रविडका ठूलो प्रशंसक हुन् । रचिनको जन्म हुँदा रविले उनको नाम सचिन तेन्दुलकर र राहुल द्रविडको नाममा राख्ने निर्णय गरे । उनले राहुलको ‘आर’ र सचिनको ‘चिन’ जोडेर नाम राख्ने निर्णय गरे । यसरी यस २३ वर्षीय क्रिकेटरको नाम ‘रचिन’ भयो ।
रचिनले सानै उमेरमा आफ्नो प्रतिभा देखाएका थिए । उनले पहिले अन्डर–१९ क्रिकेट खेले र त्यसपछि राष्ट्रिय क्रिकेट टोलीमा स्थान बनाए । उनले यसै वर्ष सेप्टेम्बरमा बंगलादेशविरुद्धको टी–२० अन्तर्राष्ट्रिय खेलबाट डेब्यु गरेका थिए । उनी २०१६ अन्डर–१९ क्रिकेट विश्वकप र २०१८ अन्डर–१९ क्रिकेट विश्वकपका लागि न्यूजिल्याण्डको टोलीमा थिए ।
सन् २०१८ को अन्डर–१९ क्रिकेट विश्वकपमा उनी राइजिङ स्टारका रूपमा सम्मानित भएका थिए । उनी भारत विरुद्ध लर्ड्समा भएको विश्व टेस्ट च्याम्पियनसिपको फाइनलका लागि न्युजिल्याण्डको टोलीमा पनि छनोट भएका थिए तर प्लेइङ इलेभेनमा स्थान पाउन सकेनन् ।
सचिनलाई आफ्नो आइडल मान्छन् रचिन
रचिनले एक अन्तर्वार्तामा भनेका थिए– ‘मैले जाडोमा आरडीटी (अनन्तपुर, आन्ध्र प्रदेश) मा चार वर्ष तालिम लिएको छु ।’ महान सचिन तेन्दुलकरलाई आफ्नो आइडलको रुपमा व्याख्या गर्दै रचिनले २०१६ मा भनेका थिए– ‘मैले भारतीय क्रिकेट लिजेण्ड सचिनको ब्याटिङ शैली सिक्ने प्रयास गरेको छु । मेरो ब्याटिङ आइडल सचिन हो । म सानैदेखि उहाँलाई हेरेर सिकेको छु ।’
