नेपालले माल्दिभ्सलाई एसियाड क्रिकेट अन्तर्गत चीनको हाङझाउमा भएको खेलमा १३८ रनले पराजित गरेको छ ।
नेपालले दिएको २१३ रनको विशाल लक्ष पछ्याएको माल्दिभ्स टिम १९.४ ओभरमा ७४ रनमै समेटिएको थियो । नेपालका लागि अभिषेक बोहराले घातक बलिङ गर्दै ६ विकेट लिएका थिए । माल्दिभ्सका ६ खेलाडी बिना कुनै स्कोर पवेलियन फर्किएका थिए ।
नेपालका बलरहरू सन्दीप लामिछाने, सोमपाल कामी, गुल्सन झा र कुशल भुर्तेलले एक एक विकेट लिएका थिए । माल्दिभ्सका लागि मुभिथ गान्नीले सर्वाधिक ३६ रन बनाएका थिए ।।
यसअघि नेपालका ब्याट्सम्यान रोहित पौडेलको ५२ र कुशल मल्लको तुफानी ४७ रनको मद्दतले नेपालले २० ओभरमा २१२ रन बनाएको थियो ।
यो जितसँगै नेपाल आफ्नो समूहमा पहिलो हुँदै दोस्रो राउन्डमा पुग्न सफल भएको छ । नेपालको समूहमा मंगोलिया र माल्दिभ्स थिए ।
नेपालको स्कोरबोर्डः
कुशल भुर्तेलः ३५ रन
आसिफ सेख: ६
विनोद भण्डारी: १३
सन्दीप जोरा: ५
गुल्सन झा: ३५
रोहित पौडेल: ५२
कुशल मल्ल: ४७
दीपेन्द्र सिं ऐरी: ६
सोमपाल कामी: १
