काठमाडौँ । चीनमा जारी १९औँ एसियाली खेलकुदमा नेपाली महिला राष्ट्रिय फुटबल टोलीले खराब सुरुवात गरेको छ ।
शुक्रबार समूह ‘डी’ को पहिलो खेलमा नेपाल भिएतनामसँग २–० गोल अन्तरले पराजित भएको हो ।
पहिलो हाफ गोलरहित बराबरी खेलेको नेपालले दोस्रो हाफमा भने २ गोल खान पुग्यो । भिएतनामका लागि ५३ औं मिनेटमा फाम हाइ एन तथा ६४औँ मिनेटमा थि बीच थुइले एक–एक गोल गरे ।
नेपालले अब सोमबार समूहको दोस्रो खेलमा जापानसँग खेल्नेछ । यस्तै, समूहको अन्तिम खेलमा बिहीबार बंगलादेशसँग खेल्नेछ ।
