एजेन्सी । के तपाईंले कहिल्यै याद गर्नुभएको छ कि धेरै चराहरू बिजुलीको तार वा रूखको हाँगाहरूमा बस्छन् । बिजुलीको तारमा बसेका चराहरूको लाम हेर्दा विद्यालयमा लाइनमा उभिएका विद्यार्थीजस्ता देखिन्छन् ।
धेरैजसो बिहान यस्तो सुन्दर दृश्य देख्न सकिन्छ । ध्यान दिएर हेर्नुभयो भने धेरै चराहरूको आँखा बन्द पनि रहेको देख्नुहुनेछ । धेरै पटक मानिसको मनमा यो प्रश्न उठ्छ कि कसरी चराहरूले सुत्दा पनि सन्तुलन कायम राख्छन् र रुखको हाँगा वा बिजुलीको तारबाट कहिले खस्दैनन् ? जहाँ मानिस सुत्दा पनि ओछ्यानबाट खस्छन् ।
विज्ञहरूका अनुसार चराहरूले सुत्दा दुवै आँखा बन्द गर्दैनन् । सुत्दा एउटा आँखा खुला राख्छन् । सुत्ने बेलामा एउटा आँखा खुला राख्नुको पछाडिको विज्ञान यो हो कि यसले गर्दा उनीहरूको आधा मस्तिष्क सक्रिय रहन्छ, जसले उनीहरूलाई रूखको हाँगा वा बिजुलीको तारमा सन्तुलन कायम राख्न मद्दत गर्छ ।
कसरी भन्न सकिन्छ कि चराहरू कहिल्यै पूरै सुत्दैनन्, सधैं आधा सुत्छन् ? जबसम्म मस्तिष्कले काम गरिरहेको हुन्छ, निद्रा कसरी पूरा हुन्छ ? यी प्रश्नहरु पनि नउठ्ने होइनन् । चराहरू निद्रामा नपर्नुको एउटा कारण भनेको तिनीहरूको खुट्टाको संरचना रहेको छ । जुन यस्तो हुन्छ कि तिनीहरू जुनसुकै कुरामा पनि राम्रोसँग समात्न सक्छन् । चराहरू एक आँखा खोलेर सुत्छन्, तिनीहरूले आफ्नो वरिपरि खतरा महसुस गर्दा जाग्नका लागि तयार रहन्छन् ।
