काठमाडौं । जनता समाजवादी पार्टीले पार्टीको नीतिविपरीत लुम्बिनी प्रदेश सरकारमा सहभागी भएको भन्दै आफ्ना चार सांसदलाई कारवाही गरेको छ।
वैशाख ६ गते आफूविरुद्ध अविश्वास प्रस्तावमा हस्ताक्षर गरेका तीनसहित जसपाका चार सांसदलाई मुख्यमन्त्री शंकर पोखरेलले बनाउनुभएको थियो ।
सन्तोषकुमार पाण्डेय, विजयबहादुर यादव, समुन शर्मा र कल्पना पाण्डेलाई पार्टीले कारवाही गरेको हो ।
यता अध्यक्ष महन्थ ठाकुरले भने प्रदेशसभामा लुम्बिनी प्रदेशका चार सांसदलाई पदमुक्त गर्ने निर्णय पार्टीको केन्द्रीय समितिबाट नभएको भन्दै अर्को पत्र पठाउनुभएको छ ।
अध्यक्ष ठाकुरले लुम्बिनी प्रदेश सभा सदस्यहरुलाई केन्द्रीयस्तरबाट कुनै कारवाही नभएको पत्रमा उल्लेख गर्नुभएको छ ।
बाबुराम भट्टराई र उपेन्द्र यादवले पत्र पठाएर उहाँहरूलाई कारवाही गरेको भन्दै ठाकुर पक्षले केन्द्रीय कार्यकारीणी समितिको बैठक नै नबसेको र आफूहरूको त्यसमा सहमति नभएको भन्दै अर्को पत्र पठाएको बताइएको छ ।
