काठमाडौँ । साउदी अरबमा ४ महिनादेखि २० नेपाली अलपत्र परेका छन् । सितापाइलामा रहेको एडभेन्चर ह्युमन रिर्सोसमार्फत साउदी पुगेका उनीहरू अलकसिममा ४ महिनादेखि अलपत्र परेका हुन् ।
करिब डेढ वर्ष अघि साउदी पुगेका उनीहरूलाई चार महिनादेखि कम्पनीले काम र तलब नदिएरपछि सडकमा अलपत्र परेका छन् । विभिन्न व्यक्ति तथा संस्थाको सहयोगमा रूलाईखाने व्यवस्था मिलाइएको छ ।
बाथरूमको पानी खाएर बस्नु परेको बाध्यता रहेको बताउदै एक एक पीडितले भने, ‘काम पनि दिएको छैन् । तलब पनि दिएको छैन् । हामीलाई खानको लागि १०–१५ दिनमा १०० रियाल दिइरहेको छ । त्यो पैसाले हामीले के गर्ने ? मेनपावर कम्पनीसँग भन्दा चुप लागेर बस भनिरहन्छ ।’ कम्पनीले उनीहरू सबै जनाको पासपोर्ट खोसेर राखेको उनले बताए ।
सामाजिक सञ्जालमार्फत उनीहरुको दु:ख सार्वजनिक भएपछि सरकारको ध्यानाकर्षण भएको र उनीहरूको उद्धारको पहल थालेको श्रम, रोजगार तथा सामाजिक सुरक्षा मन्त्रालयले जनाएको छ । रोजगारदाता कम्पनीसँग सम्बाद भएको मन्त्रालयले जनाएको छ ।
