एजेन्सी । ओडिशा अपराध शाखाको इओडब्लु (आर्थिक अपराध शाखा) चाँडै बलिउड अभिनेता गोविन्दालाई सोधपुछ गर्न गइरहेको छ ।
गोविन्दाको नाम १००० करोडको क्रिप्टो–पोन्जी घोटालामा बाहिर आएपछि गोविन्दासँग सोधपुछ गरिने भएको हो ।
अभिनेता सोलार टेक्नो एलायन्स (एसटीए) कम्पनीसँग यस घोटालासँग सम्बन्धित थिए । उनी यस कम्पनीको एक कार्यक्रममा पनि उपस्थित थिए ।
यस विषयमा इओडब्लुद्वारा सेप्टेम्बर १३ मा जानकारी दिइएको थियो । यस कम्पनीलाई धेरै देशहरूमा क्रिप्टो लगानीको आडमा घोटाला गरेको आरोप लगाइएको छ ।
इन्डिया टुडेको रिपोर्ट अनुसार गोविन्दा यस वर्ष जुलाईमा एसटीएको एक कार्यक्रममा सहभागी हुन गोवा गएका थिए । यो कार्यक्रम एक लक्जरी होटलमा आयोजित भएको थियो, जसमा गोविन्दा प्रमुख अतिथिको रूपमा उपस्थित थिए । कार्यक्रम बाहेक गोविन्दाले केहि भिडियोहरु मार्फत एसटीएको प्रचार पनि गरेका थिए ।
