काठमाडौं । नेपालमा थप ५७ सय ६३ जनामा कोरोना भाइरसको संक्रमण पुष्टि भएको छ । पछिल्लो २४ घण्टामा देशभरका विभिन्न प्रयोगशालमा गरिएको परीक्षणमा उक्त संख्यामा संक्रमित पाइएको हो ।
१४ हजार ९६९ जनाको परीक्षण गरिएको थियो । जसमध्ये १४ हजार ४०३ पिसिआर परीक्षणमा ५ हजार ७०६ र ५६६ एन्टिजेन परीक्षणमा ५७ जनामा कोरोना संक्रमण पुष्टि भएको हो ।
यस्तै पछिल्लो २४ घण्टामा कोरोना संक्रमणबाट मृत्यु हुनेको संख्या १९ रहेको छ ।
योसँगै नेपालमा कोरोना संक्रमितको संख्या ३ लाख २८ हजार ८९३ पुगेको छ । यस्तै २ लाख ८२ हजार ३८२ संक्रमित निको भएका छन् । मृत्युृ हुनेको संख्या ३ हजार २९८ पुगेको छ ।
