काठमाडौँ । त्रिभुवन अन्तराष्ट्रिय विमानस्थलबाट बरामत गरिएको ६० किलो ७ सय १७ ग्राम सुनबारे अनुसन्धान सकाएर सीआईबीले अनुसन्धान प्रतिवेदन बुझाएको छ । जिल्ला सरकारी वकिल कार्यालय काठमाडौँमा पुगेर सीआईबीले प्रतिवेदन बुझाइएको हो ।
सीआईबीले ५० जनालाई प्रतिवादी बनाउन राय दिएको छ । जसमा थुनामा रहेका ३२ जनामध्ये २६ जनालाई मात्र प्रतिवादी बनाउन राय दिएको छ । प्रहरीले दावा छिरीङकी श्रीमती अमला रोका सहित १८ जनालाई फरार प्रतिवादी कायम गरेको छ ।
सीआईबीले सबैजनालाई गरेर ३ अर्ब ५० करोड २ लाख १६ हजार ५५२ रुपैयाँको बिगो दाबी गर्दै सरकारी वकिल कार्यालयमा प्रतिवेदन बुझाएको छ । रेडीट्रेड प्रा।लीले ६० किलोभन्दा बाहेक ३०२ किलो सुन तस्करी गरेर काठमाडौँ ल्याएको प्रतिवेदनमा उल्लेख गरिएको छ । तस्करीमा संलग्नहरुले पछिल्लो पटक करिब ३६२ किलो सुन तस्करी गरेको बताईएको छ ।
यस्तै, पक्राउ परेकाबिरुद्ध भन्सार ऐनअन्तर्गत अवैध सुन पैठारी र संगठित अपराध, नागरिकता सम्बन्धी ऐन, राहदानी ऐन, अध्यागमन ऐन सम्बन्धी कसुरको कारबाही अगाडि बढाउन सिफारिस गरेको छ ।
