बुटवल । लुम्बिनी प्रदेश सरकारमा दुई मन्त्रीको पुनर्नियुक्ति गरिएको छ ।
आइतबार पुनः मुख्यमन्त्रीमा नियुक्त हुनुभएका मुख्यमन्त्री शंकर पोखरेलले शिक्षा तथा सामाजिक विकास मन्त्रीमा कल्पना पाण्डे र भौतिक पूर्वाधार विकास राज्यमन्त्रीमा सुमन शर्मालाई मन्त्रीमण्डलमा पुनः समावेश गर्नुभएको हो ।
उहाँहरु दुवैले जसपाबाट मन्त्रिमण्डलमा प्रतिनिधित्व गर्नुभएको हो ।
सोमबार पाण्डेले प्रदेश प्रमुख धर्मनाथ यादवबाट र शर्माले मुख्यमन्त्री शंकर पोखरेलबाट सपथ ग्रहण गर्नुभएका छ । योसँगै प्रदेशमा ७ जनाको मन्त्रीमण्डल गठन भएको छ ।
