एजेन्सी । प्रायः महिलाहरूले अनजानमा पुरानो झाडु (कुचो)लाई अनुपयुक्त ठाउँमा फाल्ने गरेको देखिन्छ । यसका साथै अनुपयुक्त दिनमा पनि घरबाट झाडु निकालिन्छ । यसो गर्नाले घरमा वास्तु दोष उत्पन्न हुन्छ ।
वास्तु दोषका कारण व्यक्तिले जीवनमा धेरै कठिनाइहरूको सामना गर्नुपर्ने हुन्छ । यसले घरको आर्थिक अवस्थामा पनि नराम्रो असर गर्छ । वास्तुशास्त्रमा झाडूका लागि धेरै नियमहरू दिइएको छ । यी नियमहरूको पालना गर्नाले घरमा सुख, समृद्धि र शान्ति कायम रहन्छ ।
वास्तुशास्त्रका अनुसार गल्तीले पनि घरमा पुरानो कुचो नराख्नुहोस् । तोकिएको मितिमा घरबाट बाहिर फाल्नुहोस् । पुरानो झाडू राख्नाले घरमा नकारात्मक उर्जा उत्पन्न हुन्छ । यसले घरको आर्थिक अवस्थालाई नराम्रो असर गर्छ । यससँगै पारिवारिक कलहको स्थिति बढ्छ । सामान्य दिनमा पुरानो झाडुलाई घरबाट पटक्कै नहटाउनुहोस् ।
झाडू पुरानो भइसकेको छ भने घरको उपयुक्त ठाउँमा लुकाउनुहोस् । यसपछि उपयुक्त दिनमा झाडूलाई घरबाट बाहिर निकाल्नुहोस् । यस समयमा कसैको नजर झाडूमा नपरोस् । पुरानो झाडू निकाल्दा यी नियम पालना गरेमा धनधान्यकी देवी लक्ष्मीको विशेष आशीर्वाद प्राप्त हुनेछ । यसका साथै घरमा सुख–समृद्धि आउँछ ।
यदि घरको कुनै व्यक्ति विशेष कामको लागि बाहिर निस्कन्छ भने त्यो समयमा भूलले पनि कुचो लगाउनु हुँदैन । यसो गर्दा कुनै विशेष काममा सफलता मिल्दैन ।
वास्तु विज्ञहरुका अनुसार गल्तीले पनि भाँचिएको झाडूको प्रयोग नगर्नुहोस् । यसो गर्नाले घरको आर्थिक अवस्था नाजुक हुन्छ । भाँचिएको झाडूलाई घरमा लुकाएर उपयुक्त दिनमा घरबाट निकाल्नुहोस् ।
कुचोलाई कुल्चिनु हुँदैन । यो वास्तु दोष देखिन्छ । वास्तु दोषको कारणले मानिसको जीवनमा प्रतिकूल प्रभाव पर्छ । यदि अन्जानमा कुचोमा खुट्टाले कुल्चिँदा जतिसक्दो चाँडो निहुरिएर माफी माग्नुहोस् ।
नयाँ कुचो कहिले किन्ने ?
वास्तुशास्त्रका अनुसार कृष्ण पक्षको हरेक शुक्रबार कुचो किन्नु शुभ मानिन्छ ।
पुरानो झाडू कहिले हटाउने ?
ज्योतिषशास्त्रका अनुसार शनिबार र औंशीका दिन झाडू लगाउनु शुभ मानिन्छ । औंशी, होलिका दहन र शनिबारको दिन पुरानो कुचोलाई घरबाट निकाल्दा घरमा रहेको नकारात्मक शक्ति पनि हट्छ ।
यसका साथै घरमा सकारात्मक उर्जाको सञ्चार हुन्छ । गल्तीले पनि पुरानो झाडूलाई नाली वा रुखको छेउमा नफाल्नुहोस् । साथै पुरानो कुचो जलाउनु पनि शुभ मानिँदैन । उपयुक्त ठाउँ देखेपछि कुचो फाल्ने गर्नुपर्छ । यी उपाय गर्नाले धनकी देवी लक्ष्मीको विशेष आशीर्वादको वर्षा हुन्छ ।
