काठमाडौ । फुटको डिलमा पुगेको नेकपा एमालेलाई पुनः एकिकृत गर्न दोश्रो तहका नेताहरुले सक्रियता देखाएका छन् । अध्यक्ष केपी ओली र बरिष्ठ नेता नेपाल बीच बैशाख ७ र ८ गते भएको छलफल निष्कर्षमा पुग्न नसकेपछि सुस्ताएका दोश्रोतहका नेता बैशाख २७ नजिकिदै जादा फेरि सक्रिय हुन थालेका छन् ।
बिहीबार नै एमाले उपमहासचिब एबं अर्थमन्त्री बिष्णु पौडेलसँग नागपोखरीको होटल मेरियटमा माधव नेपाल पक्षका नेताहरु गोकर्ण बिष्ट र सुरेन्द्र पाण्डे बीच छलफल भएको थियो । बिहिबार नै पौडेलले होटल याक एण्ड यतिमा योगेश भट्टराई र धनश्याम भुषालबीच पनि छलफल भएको थियो ।
छलफलका सहभागी एक नेताका अनुसार एमाले बिभाजन हुदा स्थिति दुबै पक्षले सोचेभन्दा फरक हुने भन्दै त्याग गरेर पनि एकता जोगाउनुपर्ने अबस्था आएको ठहर गरेका थिए ।
बिहिबार नै प्रधानमन्त्री एबं अध्यक्ष ओलीले राष्ट्रपति बिद्यादेबी भण्डारीसँग भेट गरेपछि साँझ नै माधबकुमार नेपाल पनि शितल निबास पुग्नुभएको थियो । उता बुधबार नै महासचिब ईश्वर पोखरेलसँग नेता योगेश भट्टराई र गणेश पहाडीले एकता जोगाउने बारेमा सम्बाद गर्नुभएको थियो ।
प्रधानमन्त्री ओलीले प्रतिनिधिशभाबाट बिश्वासको मत लिने निर्णयसँगै एमालेको बिवाद पनि निर्णायक मोडमा पुगेको छ । यही बीचमा राष्ट्रियसभाको रिक्त सदस्यको निर्बाचनमा एमालेले पूर्ब माओबादी नेता तथा हाल एमालेका नेता रामबहादुर थापालाई अघि सारेपछि माधब नेपाल समूहले बिपक्षीको मोर्चा बनाउदै डा। खिमलाल देबकोटाको पक्षमा उभिएको छ ।
यसै पनि आन्तरिक विवाद र समानान्तर कमिटीको अभ्यासमा रहेको एमालेभित्र भित्रको बिमति यो पछिल्लो घटनाले झनै पेचिलो बनेको छ । यसै समयमा आजै असन्तुष्ट एमाले नेता नेपाल काँग्रेस सभापति शेरबहादुर देउवालाई भेटेर सीधै शीतल निवास छिरेका छन् ।
देउवालाई भेटेर भन्दा पनि शीतल निवासमा नेपाल छिरेपछि एमालेका कार्यकर्ताहरुमा भने पाटीृमा एकता हुनसक्ने आशाको सञ्चार भएको देखिएको छ । अघि साँझदेखि सामाजिक सञ्जालमा यस्तै आसय पोखिएको देखिएको छ ।
