एजेन्सी । इंग्लिस प्रिमियर लिग फुटबल अन्तर्गत म्यान्चेस्टर युनाइटेड बराबरीमा रोकिएको छ ।
बुधबार मध्यरातमा भएको खेलमा युनाइटेडले बर्नलेसँग १-१ गोलको बराबरी खेल्दै अंक बाँडेको हो ।
बर्नलेको घरेलु मैदानमा खेलको १८ औं मिनेटमा पउल पोग्बाले गोल गर्दै युनाइटेडलाई सुरुवाती अग्रता दिलाएका थिए ।
यता, ४७ औं मिनेटमा जे रोड्रिग्वेजले गोल गर्दै बर्नलेलाई बराबरीको स्थितीमा ल्याए । त्यसपछि दुबै टिमले गोल गर्ने प्रयास गरेपनि सफल नहुँदा खेल बराबरीमा सकियो ।
बराबरीसँगै २३ खेलबाट ३९ अंकसहित युनाइटेड अंकतालिकाको पाँचौं स्थानमा छ भने २० खेलबाट १४ अंकसहित बर्नले पुछारमा छ ।
यस्तै, सोही समयमा भएको अर्को खेलमा न्युक्यासल युनाइटेडले एभर्टनलाई ३-१ गोलले पराजित गरेको छ ।
खेलको ३६ औं मिनेटमा न्युक्यासलका जमाल लासेलेसले आत्मघाती गोल गरेपछि एभर्टनले सुरुवाती अग्रता बनाएको थियो । त्यसको १ मिनेटपछि अर्थात ३७औं मिनेटमा एभर्टनका मासन होल्गेटले आत्मघाती गोल गरेपछि न्युक्यासल बराबरीमा आयो ।
दोस्रो हाफमा न्युक्यासल खेलमा फर्कियो । घरेलु मैदानमा ५६ औं मिनेटमा र्यान फ्रासरले र ८० औं मिनेटमा किएरन ट्रिपरले गोल गर्दै न्युक्यासललाई जित दिलाए ।
२१ खेलबाट १९ अंकसहित एभर्टन १६ औं स्थानमा रहँदा २२ खेलबाट १८ अंकसहित न्युक्यासल १७ औं स्थानमा छ ।
