काठमाडौं । काठमाडौं उपत्यकामा साढे ३४ हजार कोरोना भाइरसका सक्रिय संक्रमित पुगेको स्वास्थ्य तथा जनसंख्या मन्त्रालय जनाएको छ । मन्त्रालयले बिहीबार सार्वजनिक गरेको तथ्याङ्क अनुसार उपत्यकामा हाल ३४ हजार ६२१ जना सक्रिय संक्रमित छन्।
जस अनुसार काठमाडौंमा २५ हजार ९४०, भक्तपुरमा ३ हजार २५२ र ललितपुरमा ५ हजार ४२९ जना सक्रिय संक्रमित मध्ये आईसीयूमा १९४ जना र भेन्टिलेटरमा ८८ जना उपचाररत रहेको मन्त्रालयले जनाएको छ ।
यस्तै उपत्यकामा कोरोनाको संक्रमणबाट ज्यान गुमाउनेको संख्या १ हजार २ सय १४ पुगेको छ । मन्त्रालयका अनुसार काठमाडौंमा ८१४, भक्तपुरमा १६८ र ललितपुरमा २३२ संक्रमितको मृत्यु भइसकेको छ।
उपत्यकामा कोरोना संक्रमणमुक्त हुनेको संख्या एक लाख ४० हजार २ सय ६२ पुगेको छ । काठमाडौंमा एक लाख १२ हजार ८०२ जना, भक्तपुरमा ९ हजार ८२५ र ललितपुरमा १७ हजार ६३५ संक्रमणमुक्त भइसकेका छन्।
