काठमाडौँ । आगामी फागुन २ गते सोमबार भ्यालेन्टाइन डे अर्थात् प्रणय दिवस हो । प्रेम व्यक्त गर्ने दिन। अभिव्यक्त गर्न गुलाफभन्दा आकर्षक के हुन सक्छ। दिनका लागि धेरै उपहार हुन सक्छन् तर गुलाफको फूल प्रेम व्यक्त गर्ने सबैभन्दा कोमल तरिका हो। गुलाफ र प्रेमबीच धेरै समानता छन्।
यसको अर्थ गुलाफ सुन्दर हुन्छ तर यसलाई अझ सुन्दर बनाउने कुरा भनेको यसको सुगन्ध हो जुन यसको प्राकृतिक गुण पनि हो। त्यसैगरी प्रेम पनि धेरै सुन्दर हुन्छ तर यसलाई अझ सुन्दर बनाउने कुरा भनेको आपसी समझदारी र एकअर्काप्रतिको विश्वास हो जुन प्रेमको गुण हो । यदि यो गुण प्रेममा हुन्छ भने प्रेम पनि गुलाफ जस्तै सुगन्धित हुन्छ र अझ सुन्दर बन्छ। यति मात्र होइन गुलाफको फूलमा काँडा पनि हुन्छ। यसले प्रेमीहरुलाई प्रेममा केही पीडा पनि हुन्छन्, काँडाले घोच्छ तर पीडा र घोचाइको वास्ता गरियो भने प्रेमको सुन्दर फूलबाट वञ्चित भइन्छ भन्ने कुरा पनि दर्शाउँछ ।
गुलाफको फूलले प्रेमीलाई एउटा कुरा सिकाउँछ– जसरी गुलाफलाई हातमा मिचेर फ्याँक्यो भने फ्याँक्नेको हातमा सुगन्ध रहिरहन्छ त्यसैगरी प्रेममा पनि कोही एकजना विछोडियो भने त्यो याद साथमा रहिरहन्छ । प्रेम र गुलाब एक अर्काका पर्याय हुन् । दुवैको कथा एउटै छ । त्यसैले सायद प्रेमको प्रतीकका रूपमा गुलाफलाई लिइन्छ । यो कुरा पनि ध्यानमा राख्नुहोस्, गुलाफ दिएर मात्र प्रेम हुन्थ्यो भने माली सारा सहरको प्रेमी हुनेथियो । त्यसैले माथिको प्रेमको अनुभूतिलाई गुलाफको फूल दिनेसँग जोड्नु पर्छ।
गुलाफ र प्रेमको सम्बन्ध धेरै पुरानो छ। ग्रीक र रोमन सभ्यतामा गुलाफलाई प्रेमकी देवी एफ्रोडाइट र भेनससँग जोडिएको छ। कथाअनुसार देवताहरूको भोजन अमृत थियो। जब प्रेमको देवता क्युपिडले आफ्नी माता देवी भेनसका लागि अमृत ल्याए, केही थोपाहरू बाहिर निस्किए। पहिलो गुलाफ यहीँ हुर्कियो। बाइबलमा उल्लेख गरिएका तीनवटा फूलमध्ये गुलाफ एउटा हो। हिन्दू धर्ममा गुलाफ र कमल दुईवटा फूल हुन् जसलाई धेरै मान्यता दिइएको छ।
गुलाफलाई संस्कृतमा पाटलम् भनिन्छ। विशेषगरी भगवान् कृष्णको पूजामा गुलाफको फूलको प्रयोग गरिन्छ । गुलाफ प्रेमसँग साढे दुई हजार वर्ष पहिले जोडिएको हुन सक्छ तर गुलाफ लामो समयदेखि पृथ्वीमा अस्तित्वमा छ। गुलाफ पृथ्वीमा करिब तीन करोड ५० लाख वर्षदेखि पृथ्वीमा छ।
