काठमाडौं । कोरोना भाइरस संक्रमणको दोस्रो लहरसंगै मानिसहरु पुनः समस्यामा परेका छन् । संक्रमितको संख्या दिनानुदिन बढ्नुका साथै कोरोनाका कारण मृत्यु हुनेको संख्या पनि ह्वात्तै बढेको छ ।
दोस्रो लहरको संक्रमणमा संक्रमित हुनेको संख्या बढेकै वेला कोरोना संक्रमित हुने गर्भवती महिलाका शिशुमा पनि संक्रमण हुने वा नहुने विषयमा पनि छलफल हुन थालेको छ ।
गर्भवती महिलाहरुको गर्भमा रहेको बच्चामा संक्रमण भएको पाइएको छैन । तर, गर्भवती महिलामा संक्रमण हुँदा शिशुलाई खतरा हुने भएकाले समयमा नै सावधानी अपनाउन आवश्यक छ ।
गर्भवती महिलामा रोग प्रतिरोधी क्षमतामा कमि हुन्छ । गर्भ रहेको अवस्थामा शरीरले २ व्यक्तिका लागि पोषण दिने काम गरिरहेको छ । त्यसैले यस्तो समयमा कुनै पनि रोगले छिट्टो आक्रमण गर्न सक्छ । त्यसैले गर्भवती महिलामा कोरोना संक्रमण हुने सम्भावना बढी हुन्छ ।
दोस्रो लहरमा विश्वभर युवा पुस्ता संक्रमणको उच्च जोखिममा रहेका छन् । त्यसैगरी, गर्भवती महिलाहरु पनि संक्रमणको उच्च जोखिममा छन् ।
तर, अहिलेसम्म कुनै पनि मेडिकल रिपोर्टले आमाको पेटमा रहेको शिशुमा संक्रमण भएको पत्ता लगाएको छैन । तर, कोरोना संक्रमित गर्भवती महिलाहरुको शरीरमा असर पार्ने र उनको शिशुमा पनि गम्भीर असर पार्छ । शिशु जन्मिएपछि भने संक्रमण हुने सम्भावना बढी हुन्छ । गर्भवती महिलाहरूमा संक्रमणका कारण छिट्टै शिशु जन्मिएका उदाहरणहरु भने भेटिएका छन् ।
