एजेन्सी । भारतीय राष्ट्रिय अवार्ड विजयी बलिउड अभिनेत्री कंगना रनावतलाई कोरोना संक्रमण भएको छ ।
आफूमा कोरोना संक्रमण पुष्टि भएपछि उनले आफूलाई होम क्वारेन्टाइन गरेकी छन् ।
दैनिक जागरणका अनुसार ट्वीटरले उनको एकाउण्ट सस्पेण्ड गरिदिएपछि इन्स्टाग्राममार्फत आफ्ना फ्यानलाई कोरोना संक्रमणबारे जानकारी दिएकी हुन् ।
उनी लेख्छिन्, ‘निकै थाकेको महशुस गरेकी छु । केही दिन अघिदेखि मेरो आँखा पोलिरहेको छ । मैले हिजो मात्र स्वाब टेस्ट गराएको थिएँ, आज रिजल्ट आयो । मैले आफूलाई क्वारेन्टाइनमा राखेकी छु । मलाई थाहा छैन, यो भाइरस मेरो शरीरमा कसरी आयो । म यसलाई समाप्त पार्नेछु’,
यस्तै उनले सँगै मिलेर कोरोना भाइरसलाई परास्त गर्न पनि अपिल गरेकी छन् ।
