काठमाडौं । प्रमुख प्रतिपक्ष दल नेपाली कांग्रेसले संवैधानिक परिषद्को बैठकमा भाग नलिने भएको छ । प्रधानमन्त्री केपी शर्मा ओलीले आइतबारका लागि परिषद्को बैठक बोलाउनुभएको छ ।
कांग्रेस सभापति शेरबहादुर देउवाले शनिबार प्रेस विज्ञप्ति जारी गर्दै बैठकमा भाग नलिने बताउनुभएको हो । सरकारले हालै ल्याएको संवैधानिक परिषद्सम्बन्धी अध्यादेश पार्टीगत मनसायबाट प्रेरित भएको भन्दै उहाँले बैठकमा भाग नलिने जनाउनुभएको हो ।
यता सभामुख अग्निप्रसाद सापकोटाको सचिवालयले पनि आइतबारको बैठकमा सहभागी नहुने बताइसकेको छ ।
प्रधानमन्त्री अध्यक्ष रहने संवैधानिक परिषद्मा सभामुख, राष्ट्रियसभाका अध्यक्ष, प्रधानन्यायाधीश र प्रमुख प्रतिपक्षी दलको नेता सदस्य रहने व्यवस्था छ ।
