काठमाडौँ । प्रधानमन्त्री केपी शर्मा ओलीले बोलाएको मन्त्रिपरिषद्को आकस्मिक बैठक अघि आफूनिकट नेताहरुसँग निरन्तर संवाद गरिरहेका छन्। शनिबार बिहान बालुवाटारमै प्रधानमन्त्री ओली एक चरणको छलफल सकेर फेरि नेताहरु ईश्वर पोखरेल र विष्णु पौडेलसँग छलफल गरिरहेका छन्।
बिहानको बैठक चलिरहँदा नेताहरु लेखराज भट्ट र प्रदीप ज्ञवाली बालुवाटारबाट निस्केका थिए। अहिले ओली, पोखरेल र पौडेलबीच छलफल चलिरहेको छ।
प्रधानमन्त्रीले आज साँझ पाँच बजे मन्त्रिपरिषद्को आकस्मिक बैठक बोलाएका छन् ।
