काठमाण्डौ । शनिबार देशभर तीन हजार भन्दा धरैले कोरोनालाई जितेका छन् । पछिल्लो २४ घण्टामा तीन हजार तीन सय ७० जनाले कोरोना भाइरसलाई जितेका हुन् ।
स्वास्थ्य तथा जनसंख्या मन्त्रालयले दिएको जानकारी अनुसार नेपालमा कोरोनामुक्त हुनेको संख्या दुई लाख ९८ हजार सात सय ६५ पुगेको छ ।
यस्तै पछिल्लो २४ घण्टामा देशभर ८४१८ जना कोराना भाइरसका संक्रमित थपिएका छन् । शनिबार देशभर १७ हजार ३१५ नमुनाको पीसीआर परीक्षण गर्दा ८ हजार २८७ जना र ९८९ जनाको एन्टिजेन परीक्षण गर्दा १३१ जनामा संक्रमण पुष्टि भएको हो । यो संगै नेपालमा हालसम्म कोरोना संक्रमित हुनेको संख्या ३ लाख ८५ हजार ८९० पुगेको छ। जसमध्येका २ लाख ९८ हजार ७६५ जना कोरोना भाइरसको संक्रमणबाट मुक्त भइसकेका छन्
यससँगै सक्रिय संक्रमितको संख्या ८३ हजार ४९३ पुगेको छ । उनीहरुमध्ये ७८ हजार १८ जना होम आइसोलेसनमा रहेको स्वास्थ्य तथा जनसंख्या मन्त्रालयले जानकारी दिएको छ ।
कोरोना भाइरसको संक्रमणबाट थप ५३ जनको मृत्यु भएको मन्त्रालयले जानकारी दिएको छ।
