काठमाडौं। नेकपा (एमाले) का वरिष्ठ नेता माधव कुमार नेपाल र प्रधानमन्त्री केपी ओलीका प्रतिनिधिका रुपमा रहनुभएका विष्णु पौडेल र सुवास नेम्वाङको वार्ता सकिएको छ ।
पौडेल र नेम्वाङ संग को बार्ता सकिए लगत्तै नेपाल आफू निकट सांसदहरु छलफल गर्नुभएको छ । नेपाल संगको छलफलमा नेता पौडेल नेम्वाङले नेता नेपाललाई जहा पुग्नु भएको हो त्यही रोकिएर सहमति खोज्न आग्रह गर्नुभएको थियो । उहाँहरुले अध्यक्ष ओली संग सम्वाद गरी ठोस प्रस्तावको खाका तयार गर्न समेत आग्रह गर्नुभएको थियो ।
यसै गरी सामूहिक राजीनामा आत्मदाहाको बाटो भएका कारण पुनःबिचार गर्न सुझाब दिनु भएको थियो । नेता नेपालले भने सहमतिको लागि ठोस प्रस्ताब माग्नु भएको थियो । नेता नेपालले राजीनामा को बारेमा पुनःबिचार हुन सक्ने र एकताको लागि सम्मानजनक प्रस्ताब आबश्यक रहेको बताउनु भएको थियो । नेता नेपाल संग भएको छलफल बारे प्रधानमन्त्री ओलीलाई बिफ्रिङ गरेपछि पुन उहाँहरु बीच सम्बाद गर्ने सहमति भएको छ ।
